رواية انتقام عاشق الفصل السادس 6 بقلم وفاء محمد
رواية أنتقام عاشق
الفصل السادس
أمير: ده بالظبط اللي لازم يحصل
ريم: بس تفتكر الموضوع هينفع
أمير:٠ لازم لازم
ريم: أنا هكلم أحمد وأعرفه كل حاجة
علي الغدا
أحمد: مالك يا ريم سرحانة من وقت ما جيت حتي متكلمتيش من لما قعدنا
ريم: هاه لأ ولا حاجة بس في موضوع عايزاه أقولك عليه ممكن
أحمد: طبعاً يا قلبي أنا سامعك
ريم: أحمد أنت كنت عارف إن البيت ده أتحرق فيه إتنين ماتوا
أحمد بدهشة: عرفتي إزاي
ريم: يعني كنت عارف
أحمد: أيوة طبعاً ، بس كنت خايف أحكيلك تخافي
ريم: كان لازم تحكيلي يا أحمد
أحمد: في إيه بس يا قلبي وعرفتي منين
حكيتله كل حاجة إزاي عرفت أمير وشافته وعرفت قصته
أحمد: ههههه أنتي الظاهر الروايات أكلت دماغك صح
ريم: أنا بتكلم جد يا أحمد
أحمد: ريم أقفلي الموضوع ده ، روح إيه اللي في البيت وجبتي الكلام ده منين
ريم: من النوت دي
أحمد بيفتح النوت مابيلاقيش فيها حاجة غير كلامه في الأول عن حبه ليها وأنه عايز يتقدملها
أحمد: إيه ده يا ريم دي مذكرات واحد بيحب واحدة ، مش دليل
ممكن فعلاً تكون مذكرات الشاب اللي كان عايش هنا لكن مين يصدق أنه مات بفعل فاعل هو وحبيبته
ريم بصيت في النوت لقيت فعلاً أن آخر جزء قريته مش موجود في النوت
قامت وسابته
ريم: كنت عارفة إنك مش هتصدقني
أحمد: أستني بس يا قلبي براحة هفهمك
يووووه إيه الحوار ده بس ياربي
كان بيراقب كل كلامهم وقرر أنه يديله الدليل
لكن الأول لازم يفهمها أن إزاي الكلام اللي قرته مش في النوت
في أوضتها
بتفتح النوت بتلاقي فعلاً الكلام مش مكتوب
بتدمع وتقول إزاي
أمير: هقولك إزاي أنا وريتك اللي حصل لكن أنا ملحكتش أكتب ده
كنت خايف تتخضي لو ظهرتلك وحكيتلك كل حاجة
لكن قولت تقري كل حاجة وتبقي أنتي اللي عايزاه تعرفي
ريم: أنا مش زعلانة أنا بس كنت مفكرة أنها هتبقي دليل
لأن أحمد مش هيصدق إلا بالدليل
أمير: أنا هخليه يصدق
ريم: إزاي ، هتظهرله
أمير: ده الحل الوحيد ، متقلقيش
في مكتبه
قاعد مش عارف يركز في شغله بسبب كلامها
فجأة النور انطفي وسمع صوته
ولما النور رجع لقاه قاعد قدامه علي الكرسي
أحمد: أنت أنت مين
أمير: أنا أمير عزام ، حلو الدليل ده ولا عايز تشوف أكتر من كده
وفرقع صوابعه
أتخض أحمد لما شاف كل اللي حصل مع ريم من شوية قدامه
أمير: هاه أتأكدت
أحمد: بخوف أيوة بس بس إزاي
يعني كل اللي قالته ريم حقيقي
أمير: أيوة حقيقي ، وأنت الوحيد اللي هتقدر تساعدني
أحمد: أساعدك...إزاي مش فاهم
أمير: انت كمحامي تقدر تعرف كل حاجة حصلت في قضية حرق البيت
وتعرف حصل إيه في القضية وحصل إيه ليا ولحلا
أحمد: بس ده معناه أنك عايز تفتح القضية من أول وجديد والنائب العام هيحتاج دليل
أمير: الدليل هتلاقيه لما تفتح القضية تاني لأن حلا مماتتش بسبب الحريق
أحمد: خلاص أنا بكره هعرف كل حاجة بخصوص القضية
أمير: تمام ، أعتقد أنك مديون بإعتذار لريم
أحمد: عندك حق ، بس هي لازم تفهم أن الموضوع غريب ميتصدقش
أمير: أنا عارف بس للأسف حقيقي
أحمد: أوعدك إني أعمل كل حاجة أقدر عليها عشان حقك يوصلك
أمير: شكره وأختفي
في أوضتهم
طلع عشان يتأسفلها
لقاها قاعدة زعلانة علي السرير
أحمد: الجميل لسه زعلان مني
ريم: مش عايزاه أتكلم معاك
أحمد: حقك عليا ، أنا أتأكدت من كل حاجة
ريم: شوفته
أحمد: أيوة وعرفت كل حاجة
ريم: هتقدر تساعده
أحمد: أنا وعدته إني هعمل اللي أقدر عليه
ريم: يارب يا أحمد أنا حزينة عشانهم أوي
أحمد: هنجيب حقهم متقلقيش ، كده الجميل مش زعلان صح
ريم بأبتسامة: ههه لأ خلاص
حضنها وقعدوا يتكلموا ويضحكوا سواه
شافهم وفرح لسعادتهم
وبعدين قال لنفسه هو هيعمل اللي عليه لكن لازم أساعده
أنا عارف هعمل إيه....
بقلم وفاء محمد
